fbpx
≡ Menu

Pastor Apollo Quiboloy, hinamon ni Vice Ganda na ipa-STOP ang traffic sa EDSA at ‘Ang Probinsyano’

Pastor Apollo Quiboloy, hinamon ni Vice Ganda na ipa-STOP ang traffic sa EDSA at ‘Ang Probinsyano’

Naging usap-usapan sa noontime show na ‘It’s Showtime’ si Pastor Apollo Quiboloy matapos hamunin ng komedyanteng si Vice Ganda na tapusin na si Cardo Dalisay dahil tila isang immortal na karakter sa palabas na ‘Ang Probinsyano’.

Sa ‘Tawag ng Tanghalan’ segment, biro ni Vice Ganda na si Quiboloy na ang magiging pinakamalupit na kalaban ni Dalisay.

Binanggit din niya ang kamakailang sinabi ni Pastor Quiboloy na siya ang nagpahinto sa tatlong lindol na yumanig sa Mindanao.

“Alam mo kung sino ang magiging pinakamatinding kalaban ni Cardo? Naku, kabahan na si Cardo… Feeling ko si Quiboloy. ‘Yung nagpahinto ng lindol,” ani Vice.

“Si Quiboloy lang ang magpapahinto ng ‘Probinsyano’ at abangan niyo ‘yan,” dagdag pa nito.

Kaya hinamon ni Vice Ganda si Quiboloy na patigilin na ang pag-ere sa inaabanangan teleserye, at ang mabigat na trapiko sa EDSA.

“Hinahamon kita, Quiboloy. Ipahinto mo na ang ‘Probinsyano’. Napahinto mo pala ang lindol. Napakayabang niyo pala.”

“Sabi niya raw, STOP! Sige nga, punta ka ng gitna ng EDSA, STOP mo ‘yung traffic doon,” hamon ni Vice Ganda.