70-anyos na lalaki na nakarekober sa COVID-19, binungaran ng higit P55M hospital bill

70-anyos na lalaki na nakarekober sa COVID-19, binungaran ng higit P55M hospital bill

Sa kabila ng kaswertehang natanggap ng isang 70-anyos na lalaking nakarekober at gumaling sa coronavirus disease 2019 (COVID-19) ay siya ring katakot-takot na balita mula sa pinanggalingang ospital.

Sa ulat ng the Seattle Times at Bangkok Post, umabot sa 181-page ang bill sa Swedish Medical Center sa Issaquah, Washington ni Michael Flor matapos ang mahigit dalawang buwang pananatili rito.

May kabuuan lang naman ng $1,122,501.04 ang kailangang bayaran ni Flor para tuluyang makalabas at makauwi sa kanyang bahay.

Kwento nito, umaabot sa halos $10,000 o mahigit P500,000 ang nagagastos niya kada araw para sa kanyang ICU room.

Habang $2,835 o mahigit P100,000 naman kada araw ang nagagasto niya para sa ventilator na aniya ay 29 araw siyang gumamit.

Halos 1/4 naman ng kabuuang bill ni Flor ay para sa lahat ng gamot na kakailanganin niya.

Samantala, biro naman ni Flor, milyong halaga pala ang kailangan para maisalba ang kanyang buhay at sulit naman daw ang halagang ito dahil nakaligtas siya sa kamatayang dala ng COVID-19.

“It was a million bucks to save my life, and of course I’d say that’s money well-spent. But I also know I might be the only one saying that,” sabi ni Flor.

Kaugnay nito, sa tulong ng kanyang insurance ay hindi na niya kinailangang bayaran ang naturang halaga.

Source: Radio Mindanao Network